Belgiýanyň De-Panne şäherçesinde her ýyl däp bolan ýewropa bäsleşiginiň nobatdaky sany geçirildi. Bu gezek gatnaşyjylar çarlaklaryň sesine iň ökde öýkünmek ugrunda bäsleşdiler. Oňa Ýewropanyň 16 ýurdundan wekiller gatnaşdy.
Gatnaşyjylar eminleriň we tomaşaçylaryň öňünde çykyş edip, bu guşlaryň özboluşly gykylyklaryny we seslerini mümkin boldugyça meňzetmäge çalyşdylar. Käbir gatnaşyjylar öz çykyşlaryny has täsirli we gyzykly etmek üçin guş lybaslaryny hem geýdiler.
Gurnaýjylaryň aýtmagyna görä, ýaryşyň maksady, diňe bir tomaşaçylary güýmemek däl-de, eýsem, çarlaklara bolan garaýşy hem üýtgetmekdir. Sebäbi köp adamlar bu guşlara «azar beriji» hökmünde garap, olary ýalňyş kabul edýärler.
Eminler bäsleşige gatnaşýanlara sesi meňzedip bilşi, döredijilik başarnygy, sahna ussatlygy ýaly birnäçe ugur boýunça baha berdiler.
