Meşhur günorta koreýaly režissýor Pak Çhan Uk «Rettlkrikli garakçylar» («Разбойники из Рэттлкрика») atly täze western-triller filmini surata düşürer. «Variety» neşiri baş rollary Mettýu MakKonahiniň, Pedro Paskalyň we Ostin Batleriň janlandyrjakdygyny belläp, filmiň ýyldyzlara baý boljakdygyny ýaňzydýar.
Wakalar Amerikanyň «Ýabany Günbatar» döwründe geçýär. Bu ar alyş hakyndaky drama bolup, onda rehimsizlik, maşgala gymmatlyklary we ýatlamalaryň güýji ýaly çuňňur temalar gozgalýar.
Taslamanyň ssenariýasy «Süňk paltasy» («Костяного томагавка») atly meşhur filmiň awtory S. Kreýg Zaler tarapyndan ýazyldy. Pak Çhan Uk özüniň režissýorlyk işi bilen birlikde, ssenariýany ekranlaşdyrmak işini hem öz üstüne alýar.
Filmde esasy zenan keşbini tanymal hytaýly aktrisa Tang Wéý janlandyrar.
Taslama Kann film festiwalynda halk köpçüligine hödürlener.
Filmiň önümçiligi «Moho Film» kompaniýasy tarapyndan, prodýuserler Bredli Fişer we Maýk Medawoý bilen bilelikde amala aşyrylar.
Ýeri gelende, režissýor Pak Çhan Ugyň özüniň hem şu ýyl geçirilmeli 79-njy Kann kinofestiwalynyň eminler toparynyň başlygy wezipesine bellenendigini ýatladýarys. Festiwal maý aýynyň 12-sinden 23-i aralygynda geçiriler.
