Milanyň dizaýn hepdeliginde Auto&Design žurnaly tarapyndan her ýyl gowşurylýan Car Design Award 2026 baýragynyň ýeňijileri yglan edildi. Dabara ADI Design Museum muzeýinde geçirildi.
Sylag üç kategoriýada gowşurylýar: konsept-karlar, önümçilik awtoulaglary we brendiň firma stili.
Konsept-karlar
Audi topary baş dizaýner Massimo Fraskelliniň ýolbaşçylygynda döredilen Concept C rodsteri taslamasy bilen ýeňiş gazandy. Model brendiň geljekki dizaýny üçin ugur kesgitleýär.
Ikinji orny Genesis Magma GT eýeledi.
Citroën ELO üçünji orna mynasyp boldy.
Önümçilik awtoulaglary
Renault Twingo E-Tech Electric iň gowy elektrik ulagy diýlip yglan edildi. Onuň retro dizaýny modeliniň birinji nesline gaýdyp gelýär.
Ikinji orny BMW iX3, üçünji orny bolsa Ferrari 849 Testarossa eýeledi.
Brendiň firma stili
Jeep bu kategoriýada brendiň ähli modellerinde yzygiderli we tanalýan dizaýny üçin ýeňiji boldy.
Genesis ikinji orny eýeledi, üçünji orny bolsa BMW bilen Dacia öz aralarynda paýlaşdylar.
1984-nji ýylda esaslandyrylan Car Design Award baýragy awtoulag dizaýnynda iň abraýly baýraklaryň biri hasaplanýar. Ol pudakdaky pikirleri, innowasiýalary we dizaýn çemeleşmeleriniň ösüşini ykrar edýär.
Emin agzalarynyň başlygy Silwiýa Baruffaldiniň sözlerine görä, bu baýrak häzirki zaman awtoulag dizaýnyndaky üýtgeşmeleri görkezýär we pudagyň ösüşinde täze ugurlary bahalandyrmaga mümkinçilik berýär.
