Porsche kompaniýasy Cayenne krossoweriniň kupe kuzowyndaky elektrik görnüşini tanyşdyrdy. Bu model tomsuň ahyrynda dünýä bazaryna üç görnüşde çykar we onuň bahasy 113 800 dollardan başlar.
Iň ýokary Turbo wersiýasy 1139 at güýji bilen 100 km/sag tizlige bary-ýogy 2,4 sekuntda ýetýär. Deslapky maglumatlara görä, awtomobil bir zarýadda, takmynan, 580 km ýol geçip bilýär. Şol bir wagtyň özünde, bu model azyndan 2030-njy ýyla çenli benzinli we gibrid nusgalary bilen parallel öndüriler.
Kupe ýapgyt üçek çyzygy bolan dört gapyly krossower görnüşinde ýasaldy. Ol Cayenne elektrik modelleriniň hataryna goşuldy. Bu seriýada eýýäm binýatlyk wersiýa, S we Turbo görnüşleri bar.
Alyjylara saýlamak üçin üç görnüş hödürlener: kuwwaty 435 at güýjüne çenli bolan we 100 km/sag tizlige 4,5 sekuntda ýetýän binýatlyk nusga, S we iň ýokary görnüşli Turbo wersiýalary. Soňkusynyň iň ýokary tizligi 261 km/sag ýetýär. Goşmaça tölege ýeňilleşdirilen elementleri we karbon üçegi bolan sport bukjasyny hem sargyt edip bolýar.
Ähli wersiýalar 800 woltlyk ulgam, pnewmatik asma (podweska) bilen enjamlaşdyrylandyr we olar NACS standartyny hem-de üýtgeýän togy goldaýar. Has uly tekerler oturdylanda, hakyky geçiş aralygy, takmynan, 10% azalyp biler.
