Türkmenistanyň Küşt federasiýasy 2026-njy ýylyň 3 — 8-nji maýy aralygynda milli Gran-pri ýaryşlarynyň «Aşgabat» tapgyrynyň geçiriljekdigini yglan etdi. Aşgabadyň ýöriteleşdirilen küşt we şaşka mekdebinde guraljak bu ýaryşa federasiýanyň professional agzasy bolan ähli türgenler we tälimçiler gatnaşyp biler. Bäsleşige gatnaşmak isleýänler üçin hasaba alyş işleri 26-njy aprelde sagat 18:00-a çenli https://bit.ly/granpriashgabat2026 salgysy arkaly dowam eder.
Federasiýa tarapyndan guralýan bu sport çäresinie halkara we milli derejeli hünärmenler eminlik eder. Paýtagtdan daşarda ýaşaýan hasaba alnan türgenler «Grand Hotel» myhmanhanasynda ýerleşdiriler. Ýaryşy gurnamak bilen bagly ähli çykdajylary federasiýa doly öz üstüne alýar. Ýaryşyň umumy baýrak gaznasy 10 000 manatdan ybarat bolup, ýeňijiler pul baýraklary, Hormat hatlary, medallar we gymmat bahaly sowgatlar bilen sylaglanar.
