Sceye kompaniýasynyň SE2 stratosfera dirižably 12 günde 10 300 kilometr ýol geçip, tehnologiýanyň uzak möhletli gözegçilik we telekommunikasiý üçin taýýardygyny subut etdi.
Synag wagtynda enjam 15 800 metrden gowrak belentlige çykdy. 82 metrlik dirižablyň energiýa ulgamy Gün panellerinden we litiý-kükürt batareýalaryndan ybarat bolup, bu onuň aýlap howada galmagyna mümkinçilik berýär.
Uçuş wagtynda SE2 takmynan bir kilometr radiusda galyp, ajaýyp takyklygy görkezdi.
Işläp düzüjiler alnan maglumatlaryň ony täjirçilik maksatly ulanmaga mümkinçilik berýändigini mälim etdiler. Platformany daşky gurşawa gözegçilik etmekde we adatdan daşary ýagdaýlaryň netjelerini ýok etmekde ulanmak meýilleşdirilýär.
Ilkinji täjirçilikden öňki uçuşyny Ýaponiýada geçirmek meýilleşdirilýär, bu ýerde dirižabl SoftBank-yň ulgamy üçin aragatnaşyk kanaly bolar.
