Portugaliýanyň paýtagty Lissabon 2,6 milliondan gowrak üýtgeşik reňk öwüşginini görkezip, dünýäniň iň reňbe-reň şäherleriniň sanawynda birinji orny eýeledi.
Irlandiýanyň JustCover kompaniýasy tarapyndan geçirilen we 78 sany ugry öz içine alan barlagda Portugaliýanyň ýene bir şäheri Portu ilkinji üçlügi ýapdy.
Lissabonyň ýeňiş gazanmagyna onuň meşhur pastel öwüşginli jaýlary, Alfama etrapçasyndaky nagyşly «azuležu» kafelleri we hemmelere tanyş sary tramwaýlary sebäp boldy.
Ikinji orny Malaýziýanyň paýtagty Kuala-Lumpur eýeledi. Bu ýerde häzirki zaman gökdiränleri bilen adaty ybadathanalaryň arasyndaky ajaýyp reňk sazlaşygy nazara alyndy.
Üçünji orunda duran Portu şäheri bolsa özüniň terrakota (kerpiç reňkli) üçekleri we Doru derýasynyň boýundaky dürli reňkli binalary bilen analitikleri haýran galdyrdy.
Iň reňkli bäşligiň hataryna köp öwüşginli balkonlary bilen Kolumbiýanyň Kartahona şäheri we özüniň meşhur, reňkli kafellerden gurlan «Selaron basgançagy» bilen Braziliýanyň Rio-de-Žaneýro şäheri girdi.
Barlagçylaryň bellemegine görä, sosial torlarynyň ösen döwründe şäheriň wizual estetikasy syýahatçylar üçin dynç alyş ugruny saýlamakda iň esasy faktorlaryň birine öwrülýär.
