Türkmenistanyň ýokary okuw mekdepleri geljekki dalaşgärler üçin «Açyk gapylar» günlerini geçirip başlady.
Hususan-da, Türkmen döwlet ykdysadyýet we dolandyryş instituty myhmanlara 15-nji we 16-njy aprelde sagat 15:00-da garaşýar. Gelýänler okuw dersleri, täze hünärler we ýokary okuw mekdebiniň maddy-enjamlaýyn binýady, şol sanda döwrebap lingafon otaglary hem-de ýokary tizlikli internet ulgamy bilen tanşyp biler.
Institutyň salgysy: Aşgabat ş., 1972 (Atatürk) köçesi, 73-nji jaý;
Tel.: 48-62-31, 48-62-33, 48-62-29.
Türkmen döwlet ykdysadyýet we dolandyryş instituty baradaky doly maglumaty ýokary okuw mekdebiniň resmi saýtyndan hem alyp bilersiňiz.
Ýagşygeldi Kakaýew adyndaky Halkara nebit we gaz uniwersiteti «Açyk gapylar» günlerini Aşgabatda we Balkanabatdaky bölüminde 22-nji aprelde hem-de 6-njy maýda sagat 15:00-da geçirer. Myhmanlar maglumat tehnologiýalar merkezi we döwrebap barlaghanalar bilen tanyşdyrylar.
Uniwersitetiň salgysy: Aşgabat ş., Arçabil şaýoly, 8-nji jaý. Tel.: 39-13-05, 39-13-18.
Ýokary okuw mekdebiniň Balkanabat bölüminiň salgysy: Balkanabat ş., G. Annaýew köçesi, 76-njy jaý. Tel.: 4-93-62, 2-19-98.
Dalaşgärler üçin zerur bolan ähli maglumatlar uniwersitetiň resmi saýtynda hem elýeterlidir.
Ýokary okuw mekdepleriniň wekilleri umumy ýaşaýyş jaýlaryndaky şertler we ýaşlaryň döredijilik hem-de sport ukyplaryny amala aşyrmaklary üçin döredilen mümkinçilikler barada giňişleýin gürrüň berer.
