25-nji aprelde Aşgabatda hukuk meseleleri boýunça raýatlaryň kabul edişligi bolar. Onuň dowamynda Adalat ministrliginiň, prokuraturanyň we kazyýetiň hünärmenleri raýatlaryň hukuk bilen bagly soraglaryna jogap berer.
«Neýtralnyý Turkmenistan» gazetiniň habar bermegine görä, bu çäre Türkmenistanyň Adalat ministrligi, Baş prokuraturasy, Ýokary kazyýeti we Aşgabat şäher aklawçylar kollegiýasynyň agzalary tarapyndan bilelikde guralýar. Onuň maksady hereket edýän kanunçylygyň çäklerinde ilata hünär derejesinde maslahatlary bermekden ybarat.
Raýatlaryň kabul edişligi günüň birinji ýarymynda — sagat 9:00-dan 12:00-a çenli Türkmenistanyň Adalat ministrliginiň edara binasynda geçiriler.
Salgysy: Aşgabat şäheri, Arçabil şaýoly, 150-nji jaý.
Goşmaça maglumat almak üçin şu telefon belgilerine ýüz tutup bilersiňiz: 39-19-20, 39-19-21.
