Niderlandlar “Tesla” kompaniýasynyň awtopilot ulgamyny jemgyýetçilik ýollarynda ulanmaga rugsat beren ilkinji Ýewropa ýurdy boldy. Bu barada Reuters habar berýär.
Gürrüň awtoulagyň garaşsyz hereket etmegine mümkinçilik berýän, ýöne rulda sürüjiniň bolmagyny talap edýän Full Self-Driving Supervised ulgamy barada barýar.
Rugsatnama gara ýollara-da we şäher köçelerine-de degişlidir.
Bu tassyklama RDW milli düzgünleşdiriji edara tarapyndan geçirilen bir ýarym ýyldan gowrak synagdan soň berildi. Agentlik ulgam dogry ulanylan halatynda onuň ýol howpsuzlygyny ýokarlandyryp biljekdigini belledi. Şeýle hem, düzgünleşdiriji edara bu tehnologiýanyň tutuş Ýewropa Bileleşiginde tassyklanmagyny gazanmak isleýär.
Awtonom sürüjiligi ösdürmek Tesla üçin esasy ugur bolmagynda galýar. Kompaniýa geljekki girdeji çeşmeleri hökmünde emeli aň bilen işleýän ulgamlara we robotaksilere pul goýýar.
Çeşmäniň maglumatyna görä, awtopilotyň girizilmegi soňky döwürde satuwy pese gaçýan Ýewropada Tesla awtoulaglaryna bolan islegi güýçlendirip biler. Hususan-da, Norwegiýada olar ýylyň başynda tas 90% diýen ýaly pese gaçdy. Fransiýada, Portugaliýada, Belgiýada we Niderlandlarda hem pese gaçmalar boldy.
