Özbegistan Gazagystana Türküstan şäherindäki taryhy ýadygärlikler bilen baglanyşykly arhiw resminamalarynyň nusgalaryny gowşurdy. Resminamalary gowşurmak dabarasy Buhara şäherinde geçirilen resmi däl duşuşykda bolup geçdi diýip, Zakon.kz neşiri habar berýär.
Duşuşykda Özbegistanyň Prezidenti Şawkat Mirziýoýew möhüm taryhy materiallary Gazagystanyň Prezidenti Kasym-Žomart Tokaýewe gowşurdy.
Gowşurylan maglumatlar 1920–1950-nji ýyllara degişli bolup, olar Özbegistanyň çäginden tapylan köne materiallardyr. Olaryň arasynda gadymy binalaryň şol döwürdäki ýagdaýyny görkezýän gymmatly suratlar hem bar. Olar esasan Hoja Ahmet Ýasawy we Rabiýa Soltan Begim kümmetlerine degişlidir.
Gazagystanyň Prezidentiniň administrasiýasynda bellenilişi ýaly, bu resminamalaryň köpüsi mundan ozal ylmy dolanyşyga girizilmändir. Şol sebäpli hem olar sebitiň taryhyny we binagärlik mirasyny öwrenmekde uly medeni ähmiýete eýe bolup durýar.
