Amerikanyň NRD LLC kompaniýasy hiç hili hyzmat talap etmezden 100 ýyllap pes güýçli elektronikany energiýa bilen üpjün edip bilýän NBV gaty jisimli ýadro batareýasyny döretdi. Enjam nikel-63 izotopynyň radioaktiw dargamagynyň hasabyna işleýär we onuň energiýasy elektrik toguna öwrülýär.
Batareýanyň iýmitleniş çeşmesi ykjam ölçeglere (20 × 20 × 12 mm) we doly germetik gurluşa eýedir. Enjam adaty akkumulýatorlary çalşyrmak mümkin däl ýa-da howply ýerlerde ulanmak üçin niýetlenen. Onuň güýji 5-den 500 nannowata çenli bolup, bu ony ekologiýa sensorlary, senagat telemetriýa ulgamlary we emeli aňly awtonom platformalar üçin amatly edýär. Önümiň hyzmat möhleti göni nikel-63-iň ýarym dargama döwrüne baglydyr.
Şuňa meňzeş işläp taýýarlamalar beýleki ýurtlarda hem alnyp barylýar. 2024-nji ýylda Hytaýyň Betavolt Technology kompaniýasy hem edil şu kysmy tehnologiýany hödürläpdi.
NRD heniz täze önümiň köpçülikleýin önümçiligine we täjirçilik maksatly ulanylyşyna başlanjak takyk möhletlerini aýan etmeýär.
