Kaela atly 10 ýaşly gyzjagaz NASA hat ýazyp, Plutonyň resmi taýdan ýene-de planeta hökmünde yglan edilmegini haýyş etdi. The Times of India neşiriniň habar bermegine görä, çaga tarapyndan ädilen bu mähirli we tutanýerli ädim köpleriň ünsüni özüne çekdi.
Kaela öz eli bilen ýazan hatynda bu asman jisiminiň planeta adyna mynasypdygyny we onuň hak-hukuklarynyň dikeldilmeginiň köp adamy bagtly etjekdigini belledi.
Gyzjagazyň ýürekden ýazan hatyna NASA-nyň ýolbaşçysy Jared Aýzekman jogap berdi. Ol Kaelanyň teklibi bilen gyzyklandy we agentligiň häzirki wagtda bu meseläniň üstünde işleýändigini habar berdi.
Pluton 2006-njy ýylda Halkara Astronomiýa Bileleşiginiň karary bilen uly planeta statusyndan aýrylyp, girdenek planeta derejesine düşürilipdi. Şol bir wagtda alymlar bu syrly obýekti öwrenmegini dowam edýärler: Geçen ýyl astronomlar Plutonyň asmanyndaky köp gatlakly dumanyň (ony ilkinji gezek 2015-nji ýylda New Horizons missiýasy tapypdy) ähmiýetini anykladylar.
Bu täze maglumatlar hem, öz gezeginde, Plutonyň 300 km ýokary çekilýän atmosferasynyň üýtgeýşi we klimaty baradaky garaýyşlary düýpgöter özgerdýär.
