Toparyň resmi beýanatyna salgylanyp berilýän metbugat habarlaryna görä, Dolce & Gabbana-nyň esaslandyryjysy Stefano Gabbana kompaniýanyň direktorlar geňeşiniň başlygy wezipesinden çekildi we ol inde brende diňe döredijilik taýdan täsir edip biler.
Täze başlyk wezipesine beýleki esaslandyryjynyň dogany Alfonso Dolce bellendi.
Dolandyryjynyň üýtgemegi brendiň 450 million ýewrolyk bergisini gaýtadan maliýeleşdirmek boýunça dowam edýän gepleşikler bilen baglanyşyklydyr.
Stefano Gabbananyň wezipesinden çekilmegi 2026-njy ýylyň 1-nji ýanwaryndan güýje girýär. Kompaniýa bu karary «guramaçylyk gurluşynyň ösüşiniň tebigy tapgyry» diýip atlandyrdy. Üýtgeşmeler Dolce & Gabbana Holding Srl, Dolce & Gabbana Tradesigns Srl we Dolce & Gabbana Srl-däki wezipelere degişlidir. Resmi beýanatda işgärlerdäki üýtgeşmeleriň dizaýneriň toparyň döredijilik proseslerine gatnaşmagyna täsir etmejekdigi nygtaldy.
Bergi barada aýdylanda, moda öýüniň wekilleri banklar bilen gepleşikleriň dowam edýändigini aýtdylar. Şeýle hem, 63 ýaşly Gabbananyň öz paýynyň 40 göterimini dolandyrmak üçin mümkinçilikleri gözden geçirýändigi habar berildi. Bu hem, öz gezeginde, kompaniýanyň täzeden gurluşynyň çuňňur tapgyryny görkezip biler. Administratiw üýtgeşmelere garamazdan, fewral aýynda dizaýnerler Milan moda hepdeliginde brendiň özboluşly stilini we ajaýyp özüne çekijiligini tassyklaýan täze toplumy bilelikde hödürlediler.
