Fox korporasiýasyna degişli bolan Tubi striming platformasy ChatGPT-niň içinde öz goşundysyny (app) işe girizdi. Şeýlelik bilen, Tubi öz hyzmatlaryny göni çat-botuň içine ornaşdyran ilkinji iri wideo platforma boldy diýip, Habr neşiri habar berýär.
Täze mümkinçilikden peýdalanyp, ulanyjylar ChatGPT-niň goşundylar katalogyndan Tubi arkaly adaty gepleşik dilinde film we serial gözläp bilerler. Munuň üçin göni çatda: «Maňa agşam görer ýaly, @Tubi arkaly detektiw žanrynda gyzykly bir film tapyp ber» diýen ýaly haýyş bilen ýüzlenmek ýeterlik.
Netflix ýa-da Amazon Prime Video ýaly bäsdeşler emeli aňy öz platformalarynyň içinde ösdürýän bolsalar, Tubi başga ýol saýlady. Olar hyzmaty ulanyjynyň eýýäm bar bolan we maglumat gözleýän ýerine–ChatGPT-niň içine getirdiler. Bu mümkinçilik OpenAI kompaniýasynyň 2025-nji ýylyň oktýabrynda öz ekosistemasyny daşarky döredijiler üçin açmagy netijesinde döredi. Tubi mundan ozal hem öz goşundysynda «Rabbit AI» funksiýasyny synagdan geçiripdi, ýöne soňra ondan ýüz öwürdi.
Häzirki bu ädim global tendensiýanyň başlangyjydyr. Şonuň üçin, gör-de duruber, wideo serwisler bahym tomaşaçynyň iýmit saýlama meslesini ýeňilleşdirmek üçinem emeli aň ulgamlarynyň içindäki orun ugrunda bäsleşip başlarlar.
