YouTube platformanyň syýasatyndaky üýtgeşmeler barada yglan etdi we emeli aň (EA) arkaly döredilen wideolary bellemek ulgamyny ornaşdyryp başlady.
Täze ulgam EA-kontenti awtomatiki kesgitleýär we degişli belligi goşýar. Wideony döredende neýroulgamlaryň ulanylmandygyny subut edip bilseler, awtorlar bu belligiň üstünden şikaýat edip bilerler.
Kompaniýanyň düşündirişine görä, täze düzgünler ilkinji nobatda foto-realistik wideolara degişlidir. Şeýle kontent üçin bellik wideonyň adynyň ýanynda görkeziler. Animasion wideolarda bolsa bellik düşündiriş bölüminiň içinde saklanar.
Mundan ozal YouTube-yň ýolbaşçysy Nil Mohan platformanyň neýroulgamlar tarapyndan döredilen «zibil» mazmun bilen göreşmekçi bolýandygyny aýdypdy. Kompaniýa şeýle wideolaryň köp sanlysyny özünde saklaýan kanallary eýýäm bloklap başlady.
