Ispaniýaly türgen Manuel Alonso Polşanyň Torun şäherinde geçirilen weteranlaryň arasyndaky Ýewropa çempionatynda 90 ýaşdan ýokary toparda iki sany täze dünýä rekordyny goýdy. Bu barada Marca we AS neşirleri habar berýär.
90 ýaşly türgen 800 we 1500 metr aralyga ylgamakda ýeňiş gazandy. Ol birinji aralygy 3:34.22 wagtda geçip, kanadaly Erl Finuň ozalky rekordyndan 8 sekuntdan gowrak tapawutlanmagy başardy. Onuň 1500 metri 7:00.81 wagtda geçmegi bolsa, öňki rekordçy Mogul Radnaa Serenden takmynan 55 sekunt saýlanmagyna sebäp boldy.
Türgeniň aýtmagyna görä, sport onuň hakyky halasgärine öwrüldi.
«Sport meniň ýaşaýşymy halas etdi. Men zawodda işläp, pensiýa çykanymdan soň, öýe girdigim aglap başlaýardym» diýip, ol öňki interwýularynyň birinde-de gürrüň beripdi.
