Türkiýäniň saglygy saklaýyş ministri Kemal Memişoglynyň habar bermegine görä, ýurduň özünde taýýarlanan rak keseline garşy ilkinji derman kliniki synaglaryň birinji tapgyrynda örän gowy netijeleri görkezdi.
Ministr öz çykyşynda: «Türkiýe taryhynda ilkinji gezek öz barlaghanalarynda, hassahanalarynda we alymlary bilen bilelikde täze bir molekulany ýüze çykardy. Synaglaryň I tapgyry örän üstünlikli geçdi» diýip belledi.
Taslama Bosfor uniwersitetiniň ýolbaşçylygynda alnyp barylýar. Molekulanyň tapylmagyndan başlap, barlaghana synaglaryna çenli ähli işler ilkinji gezek dolulygyna Türkiýäniň içinde amala aşyrylýar.
Bu derman özboluşly tehnologiýasy arkaly göni rak öýjüklerine gönükdirilýär. Bu bolsa bejergiň täsirini artdyrmaga we zyýanly taraplaryny azaltmaga kömek edýär.
Eger synaglaryň ikinji we üçünji tapgyrlary hem şowly tamamlansа, Türkiýe täze dermanyny bütin dünýä ýaýratmagy meýilleşdirýär.
