Amerikan kinoakademiýasy «Oskar» baýragynyň indiki gowşurylyş dabaralarynyň senelerini kesgitledi.
99-njy dabara 2027-nji ýylyň 14-nji martynda geçiriler. Ýubileý, ýagny 100-nji dabaraly çäre bolsa 2028-nji ýylyň 5-nji martyna meýilleşdirildi.
2029-njy ýyldan başlap, «Oskar» dabarasy Golliwuddaky meşhur «Dolby» kinoteatrynyň deregine Los-Anjelesdäki täze «Peacock Theatre» meýdançasyna göçer. Şeýle hem ýaýlyma berliş usuly üýtgediler — adaty teleýaýlymyň deregine YouTube arkaly göni ýaýlym ýola goýlar.
Martda geçen «Oskaryň» soňky gowşurylyş dabarasynda esasy ýeňiji Pol Tomas Andersonyň «Bir söweşden soň beýleki» (Битва за битвой) filmi boldy — ol iň gowy film, režissýorlyk, ssenariý we ikinji derejeli erkek keşbi (Şon Penn) ýaly ugurlar boýunça jemi alty sany heýkeli aldy. «Günäliler» we «Frankenşteýn» filmleri hem birnäçe baýraga mynasyp boldy.
