2025-nji ýylda dünýäniň lybas we moda bazarynyň umumy bahasy, takmynan 1,75 trillion dollar möçberinde kesgitlenildi. Bu örän uly mukdar bolup, dünýäniň jemi içerki önüminiň 1,6%-ine deňdir.
Moda dünýäsiniň iň gymmatly 3 brendi:
- LVMH (Fransiýa) — $367,07 mlrd: dünýäniň iň uly moda topary bolup, onuň eýesi Bernar Arno dünýäniň iň baý bäş adamynyň biridir.
- Hermès (Fransiýa) — $257,98 mlrd: bu marka diňe bir geýimleri däl, eýsem gymmat bahaly aksessuarlary we atyrlary bilen hem meşhurdyr.
- Inditex (Ispaniýa) — $177,66 mlrd: hemmämize tanyş bolan Zara, Massimo Dutti we Bershka ýaly brendleriň eýesi.
Sanawdaky 133 sany moda kompaniýasynyň 49-sy Amerikada hasaba alnan hem bolsa, pullaryň köpüsi Fransiýa tarap akýar. Fransiýanyň bary-ýogy 5 sany kompaniýasynyň umumy bahasy $792 milliarda deň. Amerikanyň ähli kompaniýalarynyň jemi bahasy bolsa $539 milliard.
Moda pudagy diňe bir egin-eşik öndürmekden ybarat bolman, eýsem dünýä ykdysadyýetiniň berdaşly sütünleriniň biridir. Iň öňdebaryjy moda markalarynyň eýeleri bolsa dünýäniň iň baý adamlarynyň sanawyndan ymykly orun alandyrlar.
