Ýaponiýanyň häkimiýetleri aýylaryň ýetirýän zyýanyna garşy göreşmegiň 2030-njy ýyla çenli niýetlenen täze meýilnamasyny tassykladylar. Okinawa Times neşiriniň habar bermegine görä, bu resminama müňlerçe aýyny tutup, olaryň sanyny ep-esli azaltmagy göz öňünde tutýar.
Meýilnama laýyklykda, ýurduň dürli sebitleri üçin anyk görkezijiler bellenildi. Şunlukda Tohokuda 3 800 aýy, Týubuda 3 500 aýy, Kinki we Týugokuda 900 aýy, Kantoda 600 aýy tutular. Hokkaýdo adasynda bolsa ýerli häkimiýetler 2025–2034-nji ýyllar aralygynda jemi 12 540 sany aýydan dynmagy meýilleşdirýärler.
Aýylaryň adama has köp hüjüm edýän sebitlerinde (Tohoku, Kanto, Týubu we Hokkaýdo) olaryň sanyny 2030-njy ýyla çenli häzirki derejesinden 65%-e çenli azaltmak göz öňünde tutulýar. Zyýanyň az ýerlerinde bolsa, diňe aýylaryň sanynyň artmazlygy ugrunda göreşiler. Aýylary tutmak bilen meşgullanýan işgärleriň sany hem üç esse artdyrylyp, 2 500 adama ýetiriler. Göreş çäreleri üçin 10 müň sany gözenekli duzak we aýylary gorkuzyp gaçyrýan ýörite aerozol balonlarynyň 20 müňüsi ulanylar.
