Islandiýada täjirçilik maksatly läheň awunyň wagtlaýynça bes edilmeginden iki ýyl geçirip, ýene-de iki sany läheň awlandy. RUV teleradiokompaniýasynyň habar bermegine görä, bu aw suw jandarlaryny tutmaga gaýtadan rugsatnama berilmeginden iki gün soň amala aşyryldy.
Awlanan finwallar gök läheňden soň Ýerdäki ikinji iň uly haýwan görnüşine degişlidir. Läheň awlaýan gämiler deňze ugramanka, garşylyk görkezijileriň biri özüni gäminiň sütünine daňdy, emma ol polisiýa tarapyndan saklandy.
«Humane World for Animals» ekologiýa guramasy bu awçylygyň gaýtadan başlanmagyna düýbünden garşy. Guramanyň wekili Ýoanna Swabe bu görnüşiň goralýandygyna we azdygyna garamazdan, Islandiýada soňky ýigrimi ýylda müňden gowrak finwalyň awlanandygyny mälim etdi.
Häzirki wagtda Islandiýa, Norwegiýa we Ýaponiýa läheň awy kanuny esasda saklanyp galýan ýurtlar bolmagynda galýar. Şunuň bilen birlikde, Islandiýanyň hökümeti geljekde läheň awuny doly gadagan etmek baradaky kanun taslamasyny taýýarlamagy-da meýilleşdirýär.
Bu awçylyk ylmy maslahatlar esasynda alnyp barylýar. Islandiýanyň Deňiz barlaglary instituty 2026-njy ýylda finwallary awlamagyň sanyny 150 sany läheň bilen çäklendirmegi teklip etdi, bu bolsa 2018–2025-nji ýyllarda hereket eden möçberden tas üçden bir göterim azdyr.
