Aşgabadyň Söwda-senagat edarasynda «Hyzmatdaşlyk we ösüş» atly köpugurly halkara sergi geçirilýär. Oňa Türkmenistanyň we daşary ýurtlaryň 100-e golaý kärhanasy gatnaşýar.
Sergi işewürlik gatnaşyklaryny ösdürmäge, maýa goýumlary çekmäge we ýerli telekeçiligiň mümkinçilikleri bilen tanyşdyrmaga gönükdirilendir. Çäräniň çäklerinde Türkiýäniň, Hytaýyň, Azerbaýjanyň, BAE-niň, Germaniýanyň, Italiýanyň, Russiýanyň, Özbegistanyň we beýleki ýurtlaryň kompaniýalarynyň önümleri hem-de hyzmatlary hödürlenildi.
Gatnaşyjylar elektrik enjamlary, gurluşyk materiallaryny, senagat önümlerini, suw arassalaýyş ulgamlaryny, şäher infrastrukturasy üçin çözgütleri, şeýle hem ulag we logistika hyzmatlaryny görkezýär.
Açylyş dabarasyna hökümet agzalary, Mejlisiň, ministrlikleriň, diplomatik wekilhanalaryň, halkara guramalaryň we köpçülikleýin habar beriş serişdeleriniň wekilleri gatnaşdy.
Gatnaşyjylara Prezident Serdar Berdimuhamedowyň Gutlagy okaldy. Onda ykdysadyýeti ösdürmek we täze tehnologiýalary ornaşdyrmak üçin halkara hyzmatdaşlygynyň ähmiýeti bellenilýär.
Şeýle hem sergi gelýän myhmanlary dürli pudaklarda zähmet çekýän türkmen telekeçileriniň önümleri bilen tanyşdyrýar.
Köpugurly sergi 4-nji aprelde öz işini tamamlar.
