Aşgabatda 27–29-njy mart aralygynda Rus kinofilmleriniň festiwaly geçirildi. Çäre Russiýa Federasiýasynyň Medeniýet ministrliginiň we Türkmenistanyň Medeniýet ministrliginiň ýardam bermegi bilen «ROSKINO» döwlet guramasy tarapyndan guraldy.
Açylyş dabarasy çagalar üçin interaktiw maksatnama bilen başlandy: myhmanlary erteki gahrymanlary — Buratino, Malwina we Pýero garşylady. Çäräniň başynda Russiýa Federasiýasynyň Türkmenistandaky Adatdan daşary we Doly ygtyýarly ilçisi Iwan Wolynkiniň festiwala gatnaşyjylara gutlagy okaldy.
Tomaşaçylara režissýor Igor Woloşiniň «Buratino», Maksim Wolkowyň «Doktor Dinozawrow», Aleksandr Babaýewiň we Wasiliý Rowenskiniň «Gnomlaryň hazynalary» hem-de Aleksandr Amirowyň «Şagyzy-gurbaga» ýaly rus filmleri görkezildi.
Bu festiwal medeni gatnaşyklary ösdürmäge we türkmen tomaşaçylaryny Russiýanyň häzirki zaman kinematografiýasy bilen tanyşdyrmaga gönükdirilendir.
