ABŞ-da 1-nji aprelde Apple kompaniýasynyň 50 ýyllygy mynasybetli guralan sergi açyldy. Sergi Jorjiýa ştatynyň Rozwell şäherindäki «Mimms Museum of Technology and Art» muzeýinde ýerleşdirildi.
«iNSPIRE: 50 Years of Innovation from Apple» diýlip atlandyrylýan sergi kompaniýanyň ilkinji ädimlerinden başlap, dünýäniň iň iri tehnologiýa korporasiýalarynyň biri derejesine çenli geçen ýoly we ösüşi barada gürrüň berýär.
Takmynan, 1 860 inedördül metr meýdanda 2000-den gowrak eksponat görkezildi. Olaryň arasynda meşhur enjamlar, seýrek duş gelýän kolleksiýa gymmatlyklary, resminamalar we interaktiw gurnamalar bar.
