Caviar kompaniýasy Apple-yň 50 ýyllygy mynasybetli iPhone 17 Pro smartfonlarynyň çäkli toplumyny hödürledi.
Taslamanyň esasy nusgasy hökmünde 2007-nji ýylyň ilkinji iPhone stilinde taýýarlanan «Stiw Jobs» modeli saýlandy. Bu enjamyň korpusyna kompaniýanyň düýbüni tutujynyň geýen gara reňkli ýakaly köýneginiň kiçijik bölegi goýuldy we onuň hakykylygy ýörite sertifikat bilen tassyklanyldy.
Smartfonyň dizaýny gara-kümüşsöw reňklerde bolup, onda Apple-yň süýşürilen logotipi, «50 Anniversary Edition» ýazgysy we Stiw Jobsuň goly ýerleşdirilipdir. Topluma gara titandan we karbondan ýasalan «Gara Alma» hem-de 18 karatlyk altyn bilen bezelen «Altyn Alma» nusgalar hem girýär. Enjamlar örän çäkli:«Stiw Jobs» modelinden bary-ýogy 9 sany, beýleki görnüşlerden bolsa 50 sany taýýarlandy. Bahalar 4 930 dollardan başlanýar.
