«Barselona» hüjümçisi Rafinýanyň Braziliýanyň milli ýygyndysynyň Fransiýa garşy geçiren duşuşygynda (1:2) alan şikesi üçin FIFA-dan öwez tölegi berler.
Klubuň habar bermegine görä, oýunçy sag budunyň yzky myşsasynyň şikeslenmegi sebäpli takmynan bäş hepdelik oýundan çykdy. Bu möhlet FIFA-nyň klublary goramak maksatnamasy boýunça tölegleri almak üçin zerur bolan iň pes möhletden, ýagny 28 günden köpdür.
Öwez töleginiň hasaplanylyşy 23-nji aprelden başlanar we her gün üçin 20 548 ýewro bolar. Eger dikeldiş işleri bellenilişi ýaly bäş hepde dowam etse, klub azyndan 143 836 ýewro alar. Oýunçynyň meýdança dolanmagy has uzak wagta çekse, bu möçber her goşmaça gün üçin artyp gider.
Tölegleriň iň ýokary möçberi 7,5 million ýewro bilen çäklenýär, öwez töleginiň möhleti bolsa 365 günden geçmeli däldir.
