FIFA 2026-njy ýylda geçiriljek dünýä çempionatynda janköýerler üçin täze hyzmaty hödürledi: 79 dollar tölän janköýerleriň atlary toparçalaýyn tapgyryň oýunlary wagtynda stadionlaryň uly ekranlarynda görkeziler.
Bu maksatnama «Super Shoutout» adyny aldy. Ol ýaryşyň toparçalaýyn tapgyrynyň 72 duşuşygynyň ählisinde elýeterli bolar.
Şertlere laýyklykda, atlar oýnuň öňüsyrasyndaky taýýarlyk wagtynda ekranlara çykarylar. Oýunlar ýaýlyma berilýän wagty bolsa atlar ekranda görkezilmez.
FIFA-nyň anyklaşdyrmagyna görä, bu hyzmat diňe stadiona gelen tomaşaçylar üçin niýetlenendir we adyň teleýaýlymda, sanly ýaýlymlarda ýa-da beýleki media materiallarynda peýda bolmagyna hiç hili kepillik bermeýär.
Ýatlap geçsek, futbol boýunça dünýä çempionaty 2026-njy ýylyň 11-nji iýuny we 19-njy iýuly aralygynda ABŞ-da, Kanadada we Meksikada geçiriler.
