Google kompaniýasy özüniň Gemini emeli aň ulgamyny Google Translate hyzmatyna ornaşdyrdy. MacRumors neşiriniň habar bermegine görä, munuň netijesinde terjimeler has takyk we tebigy görnüşe geldi.
Täze tehnologiýanyň goşulmagy netijesinde sözme-söz terjime etmegiň deregine, sözlemleriň manysyny has dogry bermek we baglanyşyga doly eýermek, şeýle-de aňlatmalary, gürleýiş dilindäki meňzetmeleri we hatda köçe dilini-de has takyk terjime etmek mümkin boldy.
Täzelenme 26-njy martda ýaýrap başlady. Ol eýýäm iOS programmasynda we hyzmatyň web-wersiýasynda elýeterlidir.
Bu ulgam häzirki wagtda iňlis dili bilen bir hatarda ispan, hindi, hytaý, nemes we ýapon dilleri ýaly 20-ä golaý diliň terjimesine girizildi.
