W.I.Razumowskiý adyndaky Saratow döwlet lukmançylyk uniwersitetiniň diş lukmany Wiktoriýa Morgunowa wagtynda bejerdilmedik diş çüýremesiniň dişiň berbat bolmagyna we çynlakaý gaýraüzülmelere sebäp bolup biljekdigini duýdurdy.
"Eger diş çüýräp başlan dessine bejerilmese, ol kem-kemden zaýalanmak bilen bolýar. Ilki bilen dişimizde kiçijik gara tegmil emele gelýär, soňra ol dişiň ýüzüne ýaýrap başlaýar, diwarlaryny ýukaldýar, soňra döwlüp bilýär. Dişiň syrçasy we dentini zaýalananda, bu proses dişiň pulpar kamerasyna çuň aralaşýar we pulpit, soňra bolsa periodontit döredýär, ahyrda dişi sogurmaly bolýar" - diýip, bilermen düşündirýär.
Onuň sözlerine görä, keselli diş infeksiýanyň çeşmesine öwrülýär we bu bolsa beýleki organlara hem zyýan ýetirip biler. Agyr ýagdaýlarda bakteriýalar gana düşüp, ýürek, bogun we böwrek keselleriniň ýüze çykmak töwekgelçiligini artdyrýar.
"Eger diş has düýpli çüýrese ýa-da gaýraüzülmeler ýüze çyksa, ony sogurtmaly bolýar, bu bolsa soňra iýmit çeýnelýän wagtynda dişlere düşýän agramyň, dişiň gysylyşynyň bozulmagyna we çekge-äň bogunlarynyň agyrmagyna getirýär. Başda bejerdilmese, çüýrük ulalýar we has-da erbetleşýär, bu ýagdaý diňe bir gaýraüzülmeleriň töwekgelçiligini artdyrman, eýsem dişiň bejergisine umumy çykdajyny artdyrýar we köp wagt sarp etmeli bolýar" - diýip, hünärmen duýdurýar.
