Ýaponiýanyň täze reaktiw uçary Kawasaki EC-2 özüniň geň we adatdan daşary daşky keşbi bilen köpçüligiň, esasan hem awiasiýa höwesjeňleriniň ünsüni çekdi.
Ýük daşaýjy uçaryň binýadynda döredilen bu model, özüniň «çişen» burny we göwresiniň ýokarky bölegindäki iki sany äpet büküri bilen beýleki uçarlardan düýpli tapawutlanýar.
Elbetde bu betgelşikligiň möhüm sebäbi-de bar. Bu uçar uzak aralykdan radioelektron söweşlerini alyp barmak üçin niýetlenendir. Ol elektromagnit spektrini ulanyp, garşydaşynyň ulgamlaryna we radarlaryna täsir etmäge ukyplydyr.
Täze EC-2 öňki EC-1 modeliniň ornuny tutar. Bu täsin «polat guşuň» suratlary eýýäm sosial torlarda giňden ýaýrady we uly gyzyklanma döretdi.
