Amerikanyň Kardiologiýa kollejiniň ýyllyk ylmy maslahatynda hödürlenen täze maglumatlara görä, demrewe garşy sanjym almak ýürek-damar keselli adamlarda infarkt döremek howpuny 32% peseldip biler.
Alymlar bu netijäni gazanmak üçin ABŞ-yň ateroskleroz (damarlaryň daralmagy) keselli 246 müňden gowrak ýaşaýjysynyň maglumatlaryny öwrendiler. Onda ýaşy 50-den geçen, sanjym alan we almadyk, saglyk ýagdaýlary meňzeş bolan adamlar deňeşdirildi.
Şunlukda bir ýylyň dowamynda sanjym alanlarda infarkt 32%, insult 25%, ýürek ýetmezçiligi 25% peseldi. Umumy heläk bolmak derejesi bolsa takmynan 66% aşak düşdi.
Alymlar munuň sebäbini şeýle düşündirýärler. Belli bolşy ýaly, gurşaýjy demrew garamygyň gaýta ýokaşmagy zerarly ýüze çykýar we bedende güýçli çişme döredýär. Alymlaryň pikiriçe, bu çişme damarlarda lagta ganyň emele gelmegine we netijede ýürek infarktyna ýa-da insulta sebäp bolup bilýär. Demrew örgüniniň garşysyna edilýän sanjym bolsa, bu wirusyň öňüni alyp, tutuş bedendäki çişme howpuny azaldýar.
