Netflix platformasynda «Kesgir gaşlar» serialynyň doly göwrümli dowamy tomaşaçylara hödürlendi. «Ölmez adam» («Острые козырьки: Бессмертный человек») diýlip atlandyrylýan film Tomas Şelbiniň taryhyny dowam etdirýär.
Filmdäki wakalar Ikinji jahan urşy döwründe bolup geçýär. Killian Mýorfi tarapyndan janlandyrylýan baş gahryman Birmingeme dolanyp gelýär we ogly Dýuk (bu roly Barri Keogan ýerine ýetirdi) bilen gaýtadan birleşýär.
Filmde şeýle hem Rebekka Fergýuson, Tim Rot we Stiwen Grem ýaly meşhur aktýorlar surata düşdüler. Filmiň režissýory hökmünde «Aeronawtlar» filmi bilen tanalýan Tom Harper çykyş etdi. Ssenarisini bolsa original serialyň awtory Stiwen Naýt ýazdy.
Tankytçylar filmi ýokary bahalandyrdylar: «Rotten Tomatoes» saýtynda onuň reýtingi 91%-e deň boldy.
