Netflix meksikaly zenan suratkeş Frida Kalo we onuň adamsy Diego Riweranyň durmuşy barada täze serialyň üstünde işläp başlady» diýip, Deadline neşiri habar berýär. Taslama Kler Berestiň «Gara reňk ýok, bolmazam» (Rien n'est noir) atly romanyna esaslanar.
Serialda iki suratkeşiň arasyndaky çylşyrymly gatnaşyklar — söýgi, biwepalk we döredijilik şol döwrüň syýasy hem-de jemgyýetçilik ýagdaýlary bilen utgaşykly görkeziler.
Serialyň ssenariýasyny Mariýa Rene Prudensio ýazýar. Režissýorlyk işine bolsa «Jek Raýan» serialy bilen belli Patrisia Riggen we «Narko» (Narcos) taslamasynyň üstünde işlän Gabriel Ripstaýn jogap berýär. Filmiň ady häzirlikçe resmi taýdan tassyklanylmadyk.
1907-nji ýylda dünýä inen Frida Kalo Meksikanyň iň meşhur suratkeşleriniň biridir. Onuň eserlerinde realizm, simwolizm we halky sungatyň elementleri täsin görnüşde jemlenýär.
Frida 18 ýaşynda agyr ulag heläkçiligine uçrap, oňurgasy üç ýerinden, ýanbaş süňkleri, gapyrgalary we aýagy döwülýär. Şondan soň ol birnäçe ýyllap düşege baglanýar we ömrüniň ahyryna çenli yza çekip ýaşamaga mejbur bolýar. 1929-njy ýylda ol özüniň kärdeşi, meşhur suratkeş Diego Riwera durmuşa çykýar. Olaryň döredijilik basdaşlygyna we galagop wakalara ýugrulan durmuşy täze filmiň esasyny düzýär.
