21-22-nji martda bellenilýän Halkara Nowruz güni mynasybetli Türkmenistanda ýolagçylar üçin goşmaça awtobus gatnawlary guralar.
«Awtomobil ulag hyzmaty» AGPJ baýramçylyk günlerinde ýolagçy islegleriniň artmagyny nazara alyp, Aşgabatdan Türkmenbaşy, Mary, Baýramaly we Ýolöten şäherlerine goşmaça şäherara gatnawlarynyň işe giriziljekdigini habar berdi. Bu çäre köpçülikleýin gezelençler wagtynda bökdençsiz ulag hyzmatyny üpjün etmäge mümkinçilik berer.
Ýol peteklerini Awtokombinat belleniş nokadyndaky kassalardan, Aşgabadyň Halkara awtomenzilinden, paýtagtyň demir ýol menzilinden, şeýle hem şäherara bilet goşundysy arkaly onlaýn satyn alyp bilersiňiz.
Esasy baýramçylyk çäreleri Ahal welaýatynyň Ak bugdaý etrabyndaky Nowruz ýaýlasynda geçiriler. Şonuň bilen baglylykda, 20-nji martdan 23-nji mart aralygynda Awtokombinat — Türkmeniň ak öýi — Awtokombinat ugry boýunça 72-nji belgili şäherýaka awtobus gatnawy ýola goýlar.
Goşmaça maglumat üçin şu telefon belgilerine jaň edip bilersiňiz: +993 (61) 49-34-95, 44-35-30, 44-35-20.
