Türkmenistanyň Hökümetinde awçylyk we awçylyk serişdelerini goramak ulgamynda gözegçiligi amala aşyrýan döwlet inspektorlary üçin hökmany döwlet şahsy ätiýaçlandyryşyny ornaşdyrmak boýunça işler alnyp barylýar. Bu barada anna güni sanly ulgam arkaly geçirilen Ministrler Kabinetiniň mejlisinde wise-premýer H.Geldimyradow hasabat berdi diýip, «Watan» habarlar gepleşiginde mälim edildi.
Bu başlangyç «Aw awlamak we aw baýlyklaryny goramak hakynda» Türkmenistanyň Kanunynyň 44-nji maddasyna laýyklykda, Döwlet ätiýaçlandyryş guramasy tarapyndan amala aşyrylýar. Degişli teklip döwlet Baştutanynyň garamagyna hödürlendi.
Prezident Serdar Berdimuhamedow hasabaty diňläp, milli ätiýaçlandyryş ulgamyny ösdürmek boýunça netijeli işleri alyp barmagyň möhümdigini belledi. Döwlet Baştutany wise-premýere ýurtda ätiýaçlandyryşyň hukuk binýadyny kämilleşdirmek ugrundaky işleri dowam etdirmegi tabşyrdy.
