Azerbaýjan Respublikasyna syýahat etmek isleýän Türkmenistanyň raýatlary üçin elektron wiza almak işini ýeňilleşdirmek maksady bilen «ASAN Visa» portalynyň türkmen dilindäki wersiýasy işe girizildi.
Bu başlangyç Azerbaýjan Respublikasynyň Prezidentiniň ýanyndaky Jemgyýete hyzmat we Sosial Innowasiýalar boýunça Döwlet Agentligi (ASAN) hem-de Azerbaýjan Respublikasynyň Türkmenistandaky Ilçihanasy tarapyndan durmuşa geçirildi.
Täze hyzmat Türkmenistanyň raýatlaryna elektron wiza üçin ýüz tutma prosesini has amatly we düşnükli görnüşde amala aşyrmaga mümkinçilik berýär. Häzirki wagtda raýatlar «ASAN Visa» portalyna evisa.gov.az/tk/ resmi salgysy arkaly girip, beýleki diller bilen birlikde türkmen dilinde hem elektron wiza üçin ýüz tutup biler.
