Amerikaly režissýor Stiwen Spilberg yzygider ikinji ýyl «Forbes» žurnaly tarapyndan düzülýän dünýäniň iň baý meşhur şahsyýetleriniň sanawynda birinji orny eýeledi.
Onuň baýlygy 7,1 milliard dollar bilen bahalandyrylýar.
Spilberg 79 ýaşynda. Ol dünýä kinosynyň taryhynda täjirçilik taýdan iň üstünlikli režissýor hasaplanýar. Girdejileriniň esasy bölegini oňa «Dişler» (Челюсти), «Ýura eýýamynyň seýilgähi» (Парк Юрского периода), «Indiana Jons» filmleri we beýleki taslamalary getirdi. Mundan başga-da, ol DreamWorks kinostudiýasynyň esaslandyryjylarynyň biridir.
Spilberg «Forbesiň» sanawyna ilkinji gezek 1994-nji ýylda girdi we şondan bäri ondan çykman gelýär. 2024-nji ýylda onuň baýlygy 5,3 milliard dollar diýlip hasaplandy.
Reýtingde ikinji orny «Ýyldyz söweşleri» (Звёздные войны) franşizasynyň awtory, 81 ýaşly režissýor Jorj Lukas eýeledi. Onuň kapitaly 5,2 milliard dollara deňdir.
Üçünji orunda bolsa 4,3 milliard dollar baýlygy bilen öňki basketbolçy Maýkl Jordan durýar.
Şeýle-de, iň baý 20 meşhur şahsyýetiň hataryna Winsent Makmen, Opra Winfri, Jay-Z, Teýlor Swift, Kim Kardaşýan, Piter Jekson, Mejik Jonson, Taýger Wuds we prodýuser Dik Wulf dagy girdi.
