Türkmenistanyň Prezidenti Serdar Berdimuhamedow jenap Antoniu Žoze Seguruwa Portugaliýa Respublikasynyň Prezidenti wezipesine girişmegi mynasybetli tüýs ýürekden gutlaglaryny we iň gowy arzuwlaryny ýollady.
Döwlet Baştutany öz gutlag hatynda jenap Antoniu Žoze Seguruwa berk jan saglyk, bagtyýarlyk hem-de Portugaliýa Respublikasynyň öňe gitmeginiň we gülläp ösmeginiň bähbidine alyp barjak jogapkärli döwlet işlerinde uly üstünlikleri arzuw etdi.
Portugaliýa Respublikasynyň Prezidentiniň saýlawlary 2026-njy ýylyň ýanwar-fewral aýlarynda geçirildi. Saýlawlara rekord 11 sany dalaşgär gatnaşdy. Iki tapgyrda geçen saýlawlaryň netijesinde Antoniu Žoze Seguru sesleriň köplügini alyp, ýurduň döwlet Baştutany wezipesine saýlandy.
Täze saýlanan Prezidentiň resmi taýdan wezipesine girişmek dabarasy şu ýylyň mart aýynyň başynda boldy.
