Niderlandlaryň MVRDV binagärlik firmasy Ermenistanyň paýtagty Ýerewanda Inženerçilik we amaly ylymlaryň konwergensiýa merkezi EU Tumo-nyň adaty bolmadyk binasynyň gurluşygyna başlady.
Geljekki bina Razdan derýasyna we Ararat dagyna bakýan daglyk ýerde ýerleşer. Arhitektorlar relýefiň üstünden uzap gidýän gurluşy teklip etdiler. Fasadda uly aýna gözaralar bar.
Binanyň daşky örtügi ýarym dury polikarbonatdan ýasalýar. Gündizlerine material Gün şöhlesiniň geçmegine mümkinçilik berýär, gijelerine bolsa fasad içerden ýumşak şöhle saçýar.
Binada bäş gat okuw otaglary we iş ýerleri bolar. Giňişlik üç atriumyň töwereginde gurnalan. Binada aýratyn ýyladyş we sowadyş ulgamlary, wentilýatorlar we polasty ýyladyş ulgamlary bolar, bu bolsa toplumyň energiýa netijeliligini ýokarlandyrmaly.
MVRDV — 1993-nji ýylda Winy Maas, Ýakob wan Reýs we Natali de Wris tarapyndan esaslandyrylan golland binagärlik firmasydyr. Bu studiýa jemgyýetçilik binalary, ýaşaýyş jaýlary we şäher giňişlikleri üçin dizaýnlary bilen tanalýar. Onuň amala aşyran taslamalaryna Rotterdamdaky Markthal hem-de Ýewropadaky we Aziýadaky medeni merkezler girýär.
