Ahal welaýatynyň Bäherden etrabyndaky «Ak Işan» aramgähine zyýarat etmek isleýän raýatlar üçin «Awtomobil ulag hyzmaty» AGPJ tarapyndan «Sarwan» hususy kärhanasynyň goldawy bilen haýyr-sahawat maksatly tölegsiz awtobus gatnawlary başlandy.
Bu ýörite gatnawlar 2026-njy ýylyň 1-nji martyndan 26-njy apreli aralygynda, her hepdäniň dynç günleri zyýaratçylara hyzmat eder.
Tertipnama laýyklykda, awtobuslar Aşgabat şäheriniň «Wokzal» awtoduralgasyndan sagat 08:00-da ugraýar we aramgähden paýtagta tarap sagat 15:00-da yzyna gaýdýar.
Gatnawlar barada has giňişleýin maglumat almak isleýän raýatlar +99361-49-34-95 ýa-da 44-35-20 telefon belgileri arkaly habarlaşyp biler.
