Tesla kompaniýasynyň gözegçilik astyndaky awtonom sürüş ulgamy (FSD) eýýäm umumylykda 13,5 milliard kilometrden ýoly geçdi. Bu maglumatlar kompaniýanyň howpsuzlyga bagyşlanan resmi sahypasynda çap edildi.
Kompaniýa uly göwrümli real maglumatlaryň awtonom sürüş üçin neýroulgam platformasyny kämilleşdirmäge kömek edýändigini belleýär. Geçilen her kilometr ulgamy okatmak üçin täze ssenarileri we seýrek duş gelýän ýol ýagdaýlaryny goşýar.
Kompaniýanyň ýolbaşçysy Ilon Mask mundan ozal uly göwrümli howpsuz awtonom sürüş üçin takmynan 16 milliard kilometr okuw maglumatynyň zerurdygyny aýdypdy. Bu bolsa ulgamyň tejribede işlemeli bolan çylşyrymly ýol hadysalarynyň "uzyn dowamy" bilen baglydyr.
Häzirki depginler bilen Tesla awtomobilleriniň parky eýýäm şu ýyl FSD düzgüninde 16 milliard kilometr aralygy geçip, bellenen maksada ýetmegi mümkin.
