Awstraliýanyň Cortical Labs kompaniýasy laboratoriýada ösdürilip ýetişdirilen adam neýronlaryndan ýasalan CL1 bio-kompýuterinde «Doom» oýnuny işe girizdi. Kompaniýanyň habaryna görä, öýjükler gahrymany dolandyrmagy we duşmanlara ok atmagy öwrendiler.
Bio-kompýuter kremniý çipiniň üstünde ýerleşdirilen 200 müň töweregi neýrondan ybaratdyr. Ol neýronlara wirtual dünýä baradaky maglumatlary berýän we hereket etmek üçin olardan dyýduryş alýan biologiýa amalyýet ulgamy (biOS) arkaly işleýär.
Neýronlar donor derisinden we ganyndan ösdürilip ýetişdirildi.Şunda ilki öýjükler sütün öýjüklerine, soňra bolsa beýni öýjüklerine öwrüldi. «Doom» oýnuny işe girizmek üçin Cortical Labs garaşsyz gözlegçi Şon Koul bilen hyzmatdaşlyk edip, oýnuň elementlerini neýronlara düşnükli duýduryşlara öwürdi.
Bio-kompýuter has ýönekeý düzgünli «Pong» oýnuny oýnamagy-da öwrenipdi. «Pong-uň düzgünleri ýönekeý: top ýokary çykýar — raketka ýokary çykýar. Doom bolsa has çylşyrymly: üç ölçegli dünýä, duşmanlar, gurşawy öwrenmek» diýip, kompaniýanyň baş ylmy müdiri doktor Brett Kagan belledi.
Ol neýronlaryň entek täze gelenler ýaly oýnaýandyklaryny, ýöne öwrenmäge we duşmanlara täsirini bildirmäge ukyplaryny görkezýändiklerini-de belledi. Onuň aýtmagyna görä, öýjükler köplenç «ölýän» hem bolsalar, ýene öwrenmeklerini dowam edýärler we täze hereketleri synap görýärler.
