Magtymguly adyndaky Türkmen döwlet uniwersitetiniň taryh hünäriniň IV ýyl talyby Zyýada Ýusubowa «Gözlegleriň gözýetimi – 2026» (Горизонты исследований – 2026) atly halkara ylmy-barlag işleriniň bäsleşiginiň ýeňijisi boldy.
Bäsleşik Russiýa Federasiýasynyň «Ylym formulasy» (Формула науки) atly ylmy-barlag merkezi tarapyndan guraldy. Türkmen ýokary okuw mekdebiniň wekili bu çärä onlaýn görnüşinde gatnaşyp, «Beýik Seljuk türkmen döwletiniň medeniýeti» atly ylmy makalasyny hödürledi.
Bäsleşigiň jemleri boýunça eminler topary temanyň ýörgünliligine, barlaglaryň çuňlugyna, awtoryň döredijilikli çemeleşmesine we işiň bezeliş hiline ýokary baha berdi. Zyýada Ýusubowanyň makalasy «Iň gowy ylmy makala» diýen ada mynasyp boldy we I derejeli diplom bilen sylaglandyryldy.
Bu bäsleşige Russiýanyň we daşary ýurtlaryň bilim edaralaryndan talyplar, magistrantlar, aspirantlar we mugallymlar gatnaşdy.
Her ýyl geçirilýän bu çäre ylmy-barlag işlerini goldamaga hem-de ylym we bilim ulgamynda zehinli gatnaşyjylary ýüze çykarmaga gönükdirilendir.
Magtymguly adyndaky TDU-nyň talyby «Gözlegleriň gözýetimi – 2026» atly halkara bäsleşiginiň ýeňijisi boldy
- şu gün 13:18
- 1.1k+
