Maserati kompaniýasy 2025-nji ýyly satuwlaryň düýpli pese düşmegi bilen tamamlady. Carscoops neşiriniň bellemegine görä, 12 aýyň dowamynda bütin dünýäde bary-ýogy 7,9 müň awtomobil satyldy. Bu mukdar Porsche-niň takmynan 11 günde satýan ulaglarynyň sanyna barabardyr. Geçen ýyl bilen deňeşdirilende satuwlar 30% azaldy.
2024-nji ýylda Maserati 11,3 müň ulag satypdy. Deňeşdirmek üçin: 2021-nji we 2023-nji ýyllar aralygynda Maserati her ýyl ortaça 25 müňe golaý awtomobil satýardy. Kompaniýanyň taryhynda iň şowly ýyl 2017-nji ýyl bolup, şonda isleg 51,5 müň ulaga ýetipdi. Satuwlaryň ilkinji düýpli peselmesi 2024-nji ýylda bolup geçdi (57% aşaklama), 2025-nji ýylda bolsa pese düşme az-kem haýallasa-da, düýpli bolmagynda galdy.
Kompaniýanyň ýyllyk girdejisi 1,04 milliard ýewrodan 726 million ýewra çenli azaldy. Şol bir wagtyň özünde, ylmy-barlag we tejribe-konstruktorçylyk işlerine (NIOKR) çykdajylaryň azaldylmagy netijesinde zyýanyň mukdary 198 million ýewra çenli peseldi. Kompaniýa bu agyr ýagdaýy Ghibli we Levante modelleriniň önümçilikden aýrylmagy, ABŞ-nyň gümrük paçlary we Hytaýda islegiň peselmegi bilen düşündirýär.
Beýleki markalar bilen deňeşdirip görsek, 2025-nji ýylda Porsche - 279,4 müň ulag, Ferrari – 13,6 müň ulag, Lamborghini – 10,7 müň ulag, Maserati – 7,9 müň ulag satdy.
