Floýd Meýwezer we Menni Pakýao 2026-njy ýylyň 19-njy sentýabrynda ikinji gezek duşuşar. Söweş Las-Wegasdaky Sphere arenasynda geçiriler, Netflix striming hyzmaty bolsa söweşi göni ýaýlymda görkezer.
Habar berlişine görä, bu tutluşyk soňky ýyllarda iki boksçynyň gatnaşan görkezme söweşlerinden tapawutlylykda, professional boks duşuşygy bolar. Meýwezer rewanş duşuşygyna 50 ýeňiş (hiç hili ýeňlişsiz) we 27 nokaut rekordy bilen barar. Pakýaonyň hasabynda bolsa 62 ýeňiş (39 nokaut), sekiz ýeňliş we üç deňme-deňlik bar.
Garşydaşlaryň ilkinji söweşi 2015-nji ýylyň maýynda bolupdy. Olaryň bu duşuşygy «Asyryň söweşi» diýlip atlandyryldy. Şonda Meýwezer utuklar boýunça ýeňiş gazanyp, ýarym orta agramda WBA, WBC we WBO boýunça dünýä çempiony titullaryny gorady. Bu tutluşyk boks taryhynda täjirçilik taýdan iň üstünlikli wakalaryň biri boldy.
Häzirki wagtda Meýwezer 25-nji aprelde Kongoda Maýk Taýson bilen geçiriljek görkezme söweşine taýýarlyk görýär.
Meýwezer öz karýerasynda döwrüň ähli güýçli garşydaşlaryny ýeňmegi başardy. Onuň hasabynda boks taryhyndaky iň köp girdeji getiren üç uly waka — Pakýao, Konor Makgregora we Saul Alwarese garşy söweşler bar.
