Özbegistan Wengriýanyň "Magnus Aircraft" kompaniýasy bilen hyzmatdaşlykda kiçi awiasiýa önümçiligini ýola goýmagy meýilleşdirýär. Bu baradaky ylalaşyk Özbegistanyň ulag ministriniň orunbasarynyň uçar öndürijiniň ýolbaşçysy bilen geçiren duşuşygynda gazanyldy.
Hyzmatdaşlygyň esasy maksady iki orunlyk Magnus Fusion 212 modeliniň ýygnalmagyny Özbegistanda amala aşyrmakdan ybaratdyr. Bu uçaryň iň uly aýratynlygy — onuň fýuzelýajynyň (kuzowyny) dolulygyyna aşa ýeňil we çydamly kompozit materiallardan ýasalmagydyr.
- Uçaryň tehniki häsiýetnamalary:
- Dwigatel kuwwaty: 100-den 141 at güýjüne çenli.
- Maksimal tizligi: 280 km/sag.
- Uçuş aralygy: 1000 km-e çenli.
Hususy uçuşlar, sport maşklary we täze uçarmanlary okatmak.
Taraplar häzirki wagtda taslamanyň tehniki-ykdysady esaslandyrmasyny geçirmek barada ylalaşdylar. Bu barlaglar täze önümçilik liniýasynyň diňe bir Özbegistanyň içerki bazary üçin däl, eýsem tutuş Merkezi Aziýa ýurtlaryna eksport edilmeginiň mümkinçiliklerini hem öwrener.
"Magnus Aircraft" dünýä derejesindäki kompaniýa bolup, onuň häzirki wagtda ABŞ-da, Hytaýda we Ýakyn Gündogarda önümçilik meýdançalary bar. Indi bolsa bu sanawa Özbegistanyň hem goşulmagyna garaşylýar.
