Xiaomi kompaniýasy göze dynç bermek üçin niýetlenen Xiaomi Smart Massage Eye atly täze enjamy hödürledi. Bu döwrebap gajet köp wagtyny kompýutere ýa-da smartfona seredip işlemeli bolýan adamlar üçin niýetlenip, göreçleriň ýadawlygyny aýyrmaga kömek edýär.
Massažor 7 sany funksional zolak we 4 sany garaşsyz howa klapany bilen enjamlaşdyrylan. Ol gözüň töweregindäki 8 sany akupunktura nokadyna täsir edip, hakyky massažyň täsirini döredýär.
Ulanyjylar enjamdaky 3 derejeli intensiwlikden we birnäçe režimden peýdalanyp biler. Olaryň arasynda göz maşklary we myşsalary gowşadyp, gan aýlanyşygy gowulandyrýan ýyly ýapgy funksiýasy hem bar.
Gajeti korpusyndaky düwmeler arkaly ýa-da Mi Home ykjam programmasynyň üsti bilen sazlap bolýar. Massažy ýörite programmanyň üsti bilen, öz islegiňe görä, has jikme-jik düzmegem mümkin.
800-den 1200 mAs çenli (modeline görä) sygymly akkumulýator takmynan 2,5 sagat yzygiderli işlemäge mümkinçilik berýär. Zarýad bermek üçin döwrebap USB Type-C porty ulanylýar.
Häzirki wagtda bu akylly massažor Hytaý bazarynda takmynan 199 ýuan (25 ýewro töweregi) bahadan satylýar. Enjamyň dünýä bazaryna çykaryljak senesi barada entek resmi maglumat ýok. Ýöne ony eýýäm köp ýurtda onlaýn dükanlar arkaly alyp başladylar.
