Toyota Motor Europe Polşanyň Walbžih şäherinde ulaglary gaýtadan işlemek boýunça täze Circular Factory kärhanasyny döreder.
Toplumyň meýdany 25 000 inedördül metr bolar, onuň ýyllyk kuwwaty bolsa ulanylyş möhleti tamamlanan 20 000 töweregi awtomobili gaýtadan işlemäge mümkinçilik berer.
Taslama aýlawly ykdysadyýeti ösdürmäge we uglerod bitaraplygyny gazanmaga gönükdirilendir. Zawod gymmatly materiallary we komponentleri gaýtadan ulanmak üçin saýlap alar. Hususan-da, hünärmenler akkumulýatorlary we tigir disklerini dikeltmek ýa-da gaýtadan işlemek maksady bilen olara baha beriş işlerini geçirer. Şeýle hem kärhana poladyň, misiň, alýuminiň we plastigiň täze ulaglaryň önümçilik tapgyryna gaýtarylmagyny üpjün eder.
Circular Factory Walbžihdäki içinden ýandyrylýan hereketlendirijiler we gibrid desgalary üçin enjamlary öndürýän häzirki zawodyň işiniň üstüni ýetirer. Bu modeliň ornaşdyrylmagy üpjünçilik zynjyrlarynyň durnuklylygyny berkitmäge we ýokary uglerod yzy bolan serişdelere bolan zerurlygy azaltmaga gönükdirilendir.
Materiallaryň soňraky rekuperasiýasyny hasaba almak bilen awtomobilleri taslamaklyk önümçiligiň ähli tapgyrlarynda zyňyndylaryň azalmagyna ýardam etmeli.
Toyota Polşada awtomobilleri gaýtadan işleýän zawod gurar
- şu gün 19:07
- 805
