2026-njy ýylyň 17-nji fewralynda Türkmenistanyň Daşary işler ministriniň orunbasary Ahmet Gurbanow bilen Indoneziýa Respublikasynyň Türkmenistanda täze bellenen Adatdan daşary we Doly ygtyýarly ilçisi (oturýan ýeri Tähran ş.) Rolliansýah Soemiratyň arasynda duşuşyk geçirildi. Gepleşikleriň dowamynda ilçi özüniň ynanç hatlarynyň nusgalaryny gowşurdy. Bu barada Daşary işler ministrliginiň metbugat gullugy habar berýär.
Türkmen tarapy diplomaty täze jogapkärli wezipä bellenmegi bilen gutlap, ikitaraplaýyn gatnaşyklary ösdürmäge gönükdirilen işlerinde oňa hemmetaraplaýyn goldaw bermäge taýýardygyny bildirdi.
Gepleşikleriň barşynda syýasy-diplomatik, söwda-ykdysady we medeni-ynsanperwer ugurlardaky hyzmatdaşlygyň häzirki ýagdaýy hem-de geljekki mümkinçilikleri ara alnyp maslahatlaşyldy. Aýratyn-da, halkara guramalaryň, hususan-da BMG-niň çäginde öňe sürülýän başlangyçlary özara goldamak tejribesiniň ähmiýeti nygtaldy.
Duşuşygyň ahyrynda diplomatlar iki ýurduň arasyndaky özara bähbitli hyzmatdaşlygy giňeltmäge we gatnaşyklary yzygiderli berkitmäge ygrarlydyklaryny tassyklady.
Indoneziýa Respublikasynyň Türkmenistandaky Ilçisi ynanç hatlarynyň nusgalaryny gowşurdy
- şu gün 19:12
- 260
